A JANË MË TË ZGJUAR NJERËZIT MËNGJARASHË?
Nocioni që mëngjarashët janë më të zgjuar se njerëzit që shkruajnë me dorën e djathtë ka kohë që qarkullon.
Ndërsa disa studime kanë sugjeruar se mund të ketë një lidhje midis të qenit mëngjarash dhe një IQ-së më të lartë, studime tjera kanë treguar rezultate të kundërta.
Historikisht, mëngjarashët janë përbuzur dhe dëbuar nga shoqëria. Në Mesjetë, njerëzit mëngjarashë kishin frikë se mos akuzoheshin për magji.
Një studim i vitit 2010 në Revistën e Shoqatës Ndërkombëtare Neuropsikologjike zbuloi se njerëzit që shkruajnë me dorë të djathtë duket se performonin pak më mirë në testet njohëse kur krahasoheshin me majtistët, shkruan Health Line, transmeton Insajderi.
Një studim i vitit 2015 në Neuroscience & Biobehavioral Reviews shqyrtoi pesë meta-analiza që përfshinin të dhëna për më shumë se 16,000 individë. Ata nuk gjetën asnjë ndryshim në nivelet e inteligjencës midis tyre, por mëngjarashët duket se kishin më shumë të ngjarë të kishin një paaftësi intelektuale.
Sidoqoftë, ky studim tregoi se njerëzit që ishin të talentuar intelektualisht ose ndiqnin zhvillim tipik kishin po aq të ngjarë të ishin mëngjarashë.
Studime të tjera kanë zbuluar se mëngjarashët duket se kanë epërsinë kur bëhet fjalë për zgjuarsi.
Një studim i vitit 2007 në Gazetën e Akademisë Indiane të Psikologjisë së Zbatuar zbuloi se, nga 150 subjekte, pjesëmarrësit mëngjarashë kishin shumë më shumë gjasa të dilnin më mirë në një test inteligjence sesa njerëzit djathtakë. Këtyre të fundit gjithashtu iu desh më shumë kohë për të përfundua testin.
/Insajderi.com
