Shkilen rregullat e orës policore, Kisha Ortodokse Maqedonase ka hapur dyert për besimtarët për Pashkët, Filipçe jep detaje për polemikën rreth kishës
Edhe përkundër shumë apeleve që të mos shkilen rregullat e ndalesës policore për festën e Pashkëve, një numër i madh i besimtarëve ortodoks, pas mesnate kanë vërshuar kishat dhe manastiret për të festuar pashkët, dhe sipas besimit të tyre ringjalljen e Jeuzu Krishtit.
Gjatë ditëve të kaluara kishte apele të shumta që Pashkët këtë vit të festohen nga shtëpitë, por Kisha Ortodokse Maqedonase si duket nuk i ka marrë parasysh këto thirrje duke hapur dyert për besimtarët.
Vlen të ceket që nga e premtja pas orës 16.00 në Maqedoninë e Veriut në fuqi është ndalesa për lëvizje të qytetarëve, që i bie se të gjithë këtë që kanë shkuar atje kanë shkelur rregullat e orës policore.
Pritet gjatë ditës të shihet se cila do të jetë përgjigja e autoriteteve dhe a do të sanksionohen gjithë këta qytetarë të cilët kanë thyer rregullat e orës policore duke prezantuar në kishat.
Ndiqeni intervistën e plotë më poshtë:
Intervistë me Ministrin e Shëndetësisë Venko Filipçe për polemikat rreth Kishës, situatën në Kumanovë dhe vendin, heqjen e shtetrrethimit (orës policore)dhe strategjinë për tejkalimin e pandemisë me virusin korona . Kjo nuk është luftë e një vendi ose një feje. Kjo është një luftë e botës, për shëndetin e njerëzimit.
/SHENJA/TS/ES/
