SI NDIKOJNË FILMAT HORROR NË PSIKIKËN TONË?!
Filmat horror përmbajnë truqe psikologjike që krijojnë iluzione të suspancës dhe rrezikut përmes manipulimit të imazheve, tingullit dhe ngjarjeve.
Edhe pse truri juaj është i vetëdijshëm se kërcënimet nuk janë reale, trupi juaj njëkohësisht i regjistron ato sikur të jenë.
Sally Winston, psikologe e licencuar dhe drejtore ekzekutive e Institutit të Ankthit dhe Çrregullimeve të Stresit në Maryland, shpjegon: “[Kur shikoni filma horror], zemra juaj pompon dhe adrenalina rrjedh, dhe vëmendja juaj ngushtohet, edhe kur e dini që jeni në shtëpi ose në teatër dhe nuk ka asnjë rrezik real”, njofton Insajderi.
Kjo është e ngjashme me të qenit në një karosel të madh, ku mund të ndjeheni të tmerruar, ndërsa në të njëjtën kohë të dini se jeni të sigurt.
Winston thotë se në përgjithësi, nuk ka dëm për personat që arrijnë të kuptojnë procesin e krijimit të skenave të frikshme. Ajo e përshkruan aftësinë për të pasur një përvojë dhe njëkohësisht ta vëzhgojë atë si “defuzion” ose “shkëputje”.
Është një “parakusht për të shijuar filma horror”, thotë ajo.
Filmat horror janë krijuar për të shkaktuar emocione të caktuara si tensioni, frika, stresi dhe tronditja. Këto mund të shkaktojnë çlirimin e hormoneve në trup siç janë norepinefrina, kortizoli dhe adrenalina nga sistemi nervor autonom.
Ju mund të vini re një përgjigje fiziologjike nga këto hormone si zgjerimi i bebëzave të syve, rritjes së rrahjeve të zemrës dhe tensionit të muskujve.
/Insajderi.com
Burimi: Health Line
