Të flesh në “shtëpinë” prej najloni

Urim Salihu

Fëmijëria e tij qe e zbrazët.Që 6 vjeç humbi të dy prindërit pastaj me dhimbjen e tyre i mbetur pa përkëdhelje mes katër rrugëve ,iu drejtua jetimores.Sa vend i akullt ,aty ku dita dhe nata janë njësoj ,pa shpresë,pa dashuri .Askush nuk e pyeti për dhimbjet ,për jetën e zbrazët ,për festat që vinin e shkonin dhe ai nuk mund t’i ndjente dhe festonte ato.Pastaj kur braktisi atë vend ,nisi të ndërtojë jetën e vet dhe sërish u shfaq diçka që i’a ktheu jetën mbrapshtë si gjithmonë dhe ky është fati mizor që kësaj rradhe e goditi jo vetëm atë por edhe pasardhësen e tij Exhen .

Drilon Veli tani ndodhet në udhëkryqin më të madh të jetës së tij ,atje diku në një “shtëpi” prej najloni ,vendi i fundit për të parë se sa e ashpër tregohet jeta ndonjëherë.Ai ka harruar fëmijërinë e tij dhe shikimi i tij drejtuar humnerës sheh Exhen e tij dy vjeçe që proporcionalisht ka të njëjtin fat të keq si babai.Ajo kujton se është një lojë ,se prindërit e saj po sodisin pranverën .Ajo kujton se prindërit e saj janë lodhur nga jeta urbane dhe kanë dalë të flejnë në qetësinë e fushave.Ajo nuk e di të vërtetën e gjithë kësaj historie të trishtueshme dhe më mirë që nuk e di.

Shtëpia është i vetmi vend ku e kemi patjetër të kthehemi por ai çift i ri ,pa fajin e tyre është i detyruar që të bëjë gjumin në atë vend mizor ,të ftohtë ,aty ku Exhe mund të ftohet .

Drilon Veli kërkon një shtëpi dhe lutjet e tij shkojnë tek secili që ndjen dhimbje kur i sheh ata në “shtëpinë “prej najloni.Ai e do punën por ishte i detyruar t’a humbë atë shkaku i Koronavirusit.Ai s’mund të paguante qiranë sepse janë tre njerëz që prisnin nga një pagë e vogël që s’mbushte boshllëqet e shumta që ata kishin.

Ai doli hapur sepse ndjehet i mbështetur për muri dhe sado keq që është gjërat për të bëhen akoma më keq.
Driloni nuk i’a del dot i vetëm.Ndoshta zërin e tij do t’a dëgjojnë dikush t’u jep jetë tre njerëzve që tashmë janë dorëzuar.

Dikush do t’a dëgjojnë zërin e trishtë të Exhes dy vjeçe që në vend të kukullave ajo me barkun bosh shkon të këputë një lule në “oborrin” e shtëpisë prej najloni .

/TS/