SHPALLET GJENDJE E JASHTËZAKONSHME NË MAQEDONINË E VERIUT
Presidenti i Maqedonisë së Veriut, Stevo Pendarovski, ka shpallur gjendje të jashtëzakonshme si masë për përballje me koronavirusin.
“Vendimin për shpalljen e gjendjes së jashtëzakonshme e kam shpall me qëllim të mbrojtjes së qytetarëve dhe përballje dhe evitimin e pasojave nga koronavirusi. Gjendja e jashtëzakonshme do të zgjasë 30 ditë. Para skadimit të afatit pres që qeveria të më dorëzoj një plan të detajuar lidhur me efektin e masave që janë ndërmarrë dhe me propozim nëse ka nevojë për vazhdimin edhe për 30 ditë të tjerë apo heqjen e masës”, ka deklaruar Pendarovski.
Presidenti maqedonas tha se liderët e të gjitha partive i kanë dhënë mbështetje vendimit për shpalljen e gjendjes së jashtëzakonshme.
Qeveria teknike me përfshirjen edhe të opozitës do të vazhdojë të funksionojë edhe në të ardhmen.
Presidenti tha se zgjedhjet do të shtyhen deri në krijimin e kushteve për mbajtjen e tyre në kushte normale.
Deri më tani në Maqedoninë e Veriut është raportuar për 31 persona të infektuar me koronavirusin e ri.
/insajderi/Com