MATËN TË RRAHURAT E ZEMRËS SË SHIKUESVE – EKSPERTËT LISTOJNË FILMAT MË TË FRIKSHËM

Nëse ju dhe miqtë tuaj keni diskutuar se cili film horror është më i frikshmi dhe nuk mund të vendosni, BrightSide ka përgjigjen për ju, transmeton Insajderi. Platforma BroadbandChoices bëri një studim ku matet rrahjet e zemrës së shikuesve ndërsa ata ishin duke shikuar filma horror me vlerësimin më të lartë (në IMDb, Rotten Tomatoes dhe Reddit).

10 “The Visit”, 2015

• Rezultati i IMDb – 6.2
• Shkalla e zemrës: 79–100 bpm (rrahje për minutë)

Becca 15 vjeçare dhe Tyler 13 vjeçar po shkojnë te gjyshërit e tyre. Ata nuk i kishin parë kurrë para se nëna e tyre të kishte konflikt me ta. Gjyshërit janë të lumtur të shohin nipërit e mbesat e tyre, por ata u thonë atyre të mos largohen nga dhoma e tyre pas orës 21:30. Dhe së shpejti, fëmijët do të zbulojnë pse.

9 “The Descent”, 2005

• Rezultati i IMDb – 7.2
• Shkalla e zemrës: 79–122 bpm

Një grup vajzash të guximshme, të cilat e duan jetën aktive, shkojnë në male dhe gjejnë një shpellë misterioze. Ato nuk e dinë se çfarë ka brenda, kështu që hyjnë dhe dalja bllokohet nga shkëmbinjtë. Vajzat përpiqen të gjejnë një rrugëdalje, por shumë shpejt e kuptojnë se nuk janë vetëm në shpellë.

8 “The Babadook”, 2014

• Rezultati i IMDb – 6.8
• Shkalla e zemrës: 80–116 bpm

Amelia është një nënë e vetme e një djali 6-vjeçar të quajtur Sam. Djali lindi ditën që i vdiq burri dhe tani ai sheh monstra kudo. Një herë, ai i kërkon nënës së tij që t’i lexojë një libër në lidhje me Babadook-un misterioz – një përbindësh që së shpejti do të jetë më shumë se një personazh libri.

7 “The Conjuring 2”, 2016

• Rezultati i IMDb – 7.3
• Shkalla e zemrës: 80-120 bpm

Ky është një vazhdim i një filmi shumë të njohur horror. Në vazhdim, çifti Warren po përpiqen të ndihmojnë një nënë të vetme të katër fëmijëve që janë të përndjekur nga një entitet.

6 “It Follows”, 2014

• Rezultati i IMDb – 6.8
• Shkalla e zemrës: 81–93 bpm

Pas një serie takimesh të çuditshme me një djalë nga kolegji, personazhi kryesor, Jay, zbulon se ai i vuri një mallkim asaj që e bën një krijesë të çuditshme ta ndjekë gjithë kohën. Dhe kjo krijesë ka vetëm një qëllim – ta vrasë atë.

5 “Paranormal Activity”, 2007

• Rezultati i IMDb – 6.3
• Shkalla e zemrës: 82–127 bpm

Një çift i ri (Katie dhe Micah) zhvendosën në periferi. Jeta e tyre e qetë shqetësohet nga zhurmat e çuditshme përreth shtëpisë së tyre. Katie i thotë burrit të saj se që nga mosha 8 vjeçare, ajo është përndjekur nga një entitet i çuditshëm. Micah vendos të blejë një video kamera për të kuptuar se çfarë po ndodhë në shtëpinë e tyre ndërsa janë në gjumë. Dhe pas kësaj, entiteti bëhet edhe më aktiv.

4 “Hereditary”, 2018

• Rezultati i IMDb – 7.3
• Ritmi i zemrës: 83–109 bpm

Pasi nëna e Annie Graham vdes, gjërat e tmerrshme fillojnë të ndodhin me familjen e saj. Por familja në vetvete nuk është ideale dhe çdo ditë, ne mësojmë për sekretet e tmerrshme që ata fshehin.

3 “The Conjuring”, 2013

• Rezultati i IMDb – 7.5
• Shkalla e zemrës: 84–129 bpm

Ky është filmi i parë për familjen Warren i cili studion paranormalen. Filmi bazohet në një ngjarje të vërtetë nga jeta e tyre dhe tregon një histori për një familje fermerësh të terrorizuar nga një demon.

2 “Insidious”, 2010

• Rezultati i IMDb – 6.8
• Shkalla e zemrës: 85–133 bpm

Pas një serie ngjarjesh të çuditshme që i ndodhën Josh dhe Renait në një shtëpi të re, ndodhi gjëja më e keqe – djali i tyre 10-vjeçar Dalton bien në koma dhe mjekët nuk dinë si ta ndihmojnë atë. Kur ai kthehet në shtëpi, ngjarjet e tmerrshme vazhdojnë të ndodhin. Dhe së shpejti, të gjithë e kuptojnë se djali është i lidhur me një botë tjetër.

1 “Sinister”, 2012

• Rezultati i IMDb – 6.8
• Rrahjet e zemrës: 86–131 bpm

Një shkrimtar dhe familja e tij po zhvendosen në një shtëpi ku, një vit para kësaj, një familje e tërë u vra. Ai gjen video që janë thelbësore për zgjidhjen e misterit të krimit. Por në shtëpi, disa gjëra të çuditshme fillojnë të ndodhin që e vënë jetën e shkrimtarit në rrezik.

/Insajderi.com