SË PAKU 26 PERSONA KANË HUMBUR JETËN NGA PËRPLASJA MES NJË ANIJE MALLRASH DHE NJË VARKE NË BANGLADESH

Të paktën 26 persona kanë humbur jetën si pasojë e përplasjes së një varke me një anije mallrash në Bangladesh, transmeton Insajderi.

Sipas lajmit në Dhaka Tribune, varka me shumë pasagjerë mbi Lumin Padma, u përplas me anijen që transportonte rërë.

Zyrtari policor i rajonit Madaripur, Miraj Hossain, tha se në aksident kanë humbur jetën 26 persona dhe shumë të tjerë janë të zhdukur.

Ai njoftoi se 5 persona të shpëtuar po trajtohen në spital.

Vazhdojnë punimet e kërkim-shpëtimit në rajon. 

/Insajderi.com